Gijón/Xixón convertióse nún de los foros de congresos y reuniones científiques y profesionales del norte d’España. Toles disciplines alcuentren equí’l so marcu de debate, y sobre too les que tán venceyaes a la medicina, la innovación y les teunoloxíes.
-
Incrementar el conocimientu sobre’l to trabayu ente les y los compañeros de profesión, a nivel nacional y internacional. ✔
-
Que te reconozan como un/a líder na to especialidá. ✔
-
Establecer bases pa collaboraciones nacionales y internacionales en proyeutos d’investigación. ✔
-
Xenerar impactos positivos en Xixón, ente otros l’económicu. ✔
Dende’l Gijón/Xixón Convention Bureau ayudámoste a preparar la candidatura. Descubri tolo que podemos facer por ti.
De la industria pesada a la industria 4.0
Xixón foi a nivel históricu una de les capitales industriales de la rexón, la capital marítima d’Asturies y polu d’atracción de persones de tol país que veníen a trabayar nella. La formación de les y los profesionales de la industria y de l’actividá marítima asiéntase na ciudá yá nel sieglu XVIII.
Anguaño, la Universidá d'Uviéu, con 400 años d’historia, tien en Xixón ún de los sos campus. Mantiénense los estudios náuticos y destaquen los d’inxeniería nun entornu nel que se fortalecen les rellaciones cola empresa, s’ellaboren proyeutos I+D+I coles multinacionales asentaes na rexón y con centros d’investigación internacionales de prestixu como, por exemplu, la Organización Europea pa la Investigación Nuclear (CERN).
Capital del Área Sanitaria V
Xixón ye la capital d’una de les árees sanitaries más poblaes d’Asturies (na que s’incluyen dos conceyos), nes que s’articulen tanto l’atención primaria, con bien de centros, como la hospitalaria. L’Hospital Universitariu de Cabueñes ye’l referente de los tres hospitales que tien la ciudá, ente ellos l’Hospital de Jove/Xove qu’empresta servicios asistenciales dende entamos del sieglu XIX.
Amás del so llabor asistencial y del prestixu científicu y profesional de los sos servicios, l’Hospital Universitariu de Cabueñes ye ún de los motores de la Milla de Conocimientu "Margarita Salas", onde mantién proyeutos de cooperación y desarrollu de teunoloxía nel ámbitu médico-sanitariu con centros teunolóxicos y d’investigación.
La Milla del Conocimientu
La Milla del Conocimientu Margarita Salas forma un ecosistema d’investigación onde ciencia y teunoloxía conviven con arte y cultura.
Les empreses de la Milla tán basaes nel conocimientu, con un componente teunolóxicu y innovador altu y en munchos casos promovíes poles persones del propiu entornu. Ente la variedá d’empreses equí asentaes nun hai qu’escaecer, anque’l númberu seya menor, a les d’ámbitu médicu. Otros sectores d’especialización: la economía circular, les enerxíes renovables, la economía venceyada a la mar y les empresas creatives y culturales.
Sector públicu y priváu trabayen pa defender los valores de l’accesibilidá y sostenibilidá na ufierta que fai la ciudá a la ciudadanía y a les y los visitantes. El Gijon Convention Bureau oriéntate pa que la to reunión o eventu seya más sostenible.
