Iniciativa pa descubrir y difundir los valores del entornu rural al traviés de la propuesta d'un total de 42 itinerarios p'adientrase nes 24 parroquias de Gijón/Xixón, caleyando o pedaliando. Xixón ye Rural busca reconocer el protagonismu del mediu rural na conservación de la cultura, el patrimoniu y el mediu natural y tresmitir la so importancia a la sociedá urbana col envís de respetalu y preservalu.
Trátase d'una ferramienta dixital que tamién ta pensada pa utilizase en dispositivos móviles.
Más o menos un 84% de la superficie del conceyu encuádrase nel mediu rural, pero nun llega al 8% la población que reside nél. Los itinerarios pel mediu rural van permitir a la ciudadanía observar el so estilu de vida ancestral, descubriendo la so riqueza cultural, el so patrimoniu diverso, la so biodiversidá, les sos propuestes ecolóxiques y, por supuestu, conversando, entendiendo'l so mundu, los sos problemes y les sos preocupaciones.
