Esti portal dedicáu a la figura de G. M. de Xovellanos (1744-1811) inauguróse’l 6 d’agostu de 2021 con motivu del 50 aniversariu de la fundación del Muséu Casa Natal de Jovellanos de Xixón (1971). Ta empobináu al espardimientu de la vida y obra del ilustráu de referencia de la Ilustración española y recueye: una biografía curtia de Xovellanos, una descripción del edificiu y los sos fondos y la seición “Xovellanos Virtual”, onde tán l’Archivu Virtual Gaspar Melchor de Xovellanos, la versión dixital de la edición crítica d’Obras completas (IFESXVIII, tomos I-XIV), el catálogu de la esposición La luz de Jovellanos (Xixón, 2011) y una seleición de les publicaciones sobre Xovellanos editaes pol Conceyu de Xixón.
Biografía de Xovellanos
Gaspar Melchor de Xovellanos, lliteratu, filósofu, xurista y políticu, nacíu en Xixón en 1744, foi ún de los homes más destacaos del so tiempu y ún de los máximos representantes del proyeutu ilustráu d’España.
Casa Natal de Xovellanos
La casa solariega de los Jove-Lavandera, que s’alluga nel barriu de Cimavilla, ye ún de los edificios señoriales más antiguos de Xixón. Nella nació y vivió temporaes llargues don Gaspar Melchor de Xovellanos.
Jovellanos Virtual acueye l’Archivu Virtual de G. M. de Xovellanos (un fondu unificáu de dixitalizaciones de manuscritos procedentes de delles instituciones públiques y privaes y primeres ediciones), mesmo que la versión dixital de la edición crítica d'Obras completas (IFESXVIII, tomos I-XIV) y una seleición de publicaciones editaes pol Conceyu de Xixón.
Archivu virtual Jovellanos
L’AVGMJ recueye la dixitalización de los manuscritos de G. M. de Xovellanos procedentes de delles instituciones públiques y privaes, mesmo que primeres ediciones de la so obra.
Obras Completas G. M. de Xovellanos
Versión dixital d'Obras completas de G. M. de Xovellanos, fecha pol Institutu Feijóo d’Estudios del Sieglu XVIII y editada pol Conceyu de Xixón y KRK ediciones.
Catálogos y otras publicaciones
Accesu al catálogu de la esposición La luz de Jovellanos, comisariada pol Institutu Feijóo d’Estudios del Sieglu XVIII con motivu del bicentenariu de la muerte de Xovellanos, y a otres publicaciones editaes pol Conceyu de Xixón.
Imaxe principal: Francisco de Goya (Fuendetodos, 1746 - Burdeos, 1828). Gaspar Melchor de Jovellanos, 1798. Museo Nacional del Prado©.
