Cometióse un crime na biblioteca y la escena ta enllena pruebes. ¿Sedría Asmir, el personaxe que creó Christopher Mattingley, o la fada Marylina de Mª Cristina Salas? ¿o quiciabes fuera la Pequeña Dorrit de Dickens, o Bambulo, el perru de la novela de Bernardo Artxaga?
Pensándolo bien el que más papeletes tien ye’l nuestru amigu de Carabanchel Manolito Gafotas. Ayúdanos a descubrir la identidá del asesín, el llugar de la biblioteca nel qu’ocurrió too, y l’arma col que se cometió’l crime. ¡Too ello xugando al Cluedo!
El Bibliocluedo ye un xuegu de pistes y hipótesis basáu nesi xuegu tan sonáu que tien como oxetivu’l descubrir los diferentes espacios de la biblioteca, deprender cómo s’organiza la coleición y descubrir autores, personaxes y histories de la meyor lliteratura infantil.
![imagen bibliocluedo 1](/sites/default/files/styles/imagen_galeria/public/2021-02/Bibliocluedo%2020.jpg?h=55eddddc&itok=KQ6qqmaj)
![imagen bibliocluedo 2](/sites/default/files/styles/imagen_galeria/public/2021-02/Bibliocluedo%2021.jpg?h=f4b58a3f&itok=Yd1sM3lJ)
![imagen bibliocluedo 3](/sites/default/files/styles/imagen_galeria/public/2021-02/Bibliocluedo%2022.jpg?h=f4b58a3f&itok=5q00hhno)
El Bibliocluedo diríxese a escolares del últimu ciculu d’Educación Primaria.
El profesoráu interesáu pue contautar cola biblioteca más cercana al so centru educativu pa informase de si ufierta esta actividá y realizar la solicitú d’acorde col trámite d’inscripción d’actividaes de la biblioteca.
![Bibliocluedo foto dos policías](/sites/default/files/styles/imagen_4_3/public/2020-05/Bibliocluedo%20foto.jpg?itok=BkQCM1ZT)
![Red de bibliotecas](/sites/default/files/styles/imagen_4_3/public/2019-04/Red%20de%20bibliotecas.jpg?h=951768d2&itok=mOsNktyH)
![niño y niña buscando libros a escondidas en la biblioteca](/sites/default/files/styles/imagen_4_3/public/2020-05/bibliotecas%20bandidos%205.jpg?h=d5b0a012&itok=UktRN7pf)
![bebe leyendo un cuento](/sites/default/files/styles/imagen_4_3/public/2020-05/bibliotecas%20bebecuentos.jpg?itok=p6vxri1h)