El programa tien l’envís de garantizar mínimos de calidá de vida elevaos a les persones mayores y a les persones dependientes del conceyu de Gijón/Xixón, promoviendo ente elles la igualdá nel accesu a los recursos y midíes de política social y atendiendo y previniendo les sos necesidaes y problemes sociales.
![logotipo aulas para mayores](/sites/default/files/styles/imagen_4_3/public/2020-05/aulas%20mayores.jpg?h=c6711b70&itok=oVarcWoW)
![persona caminando por una senda](/sites/default/files/styles/imagen_4_3/public/2020-02/walking-1868652_640.jpg?itok=UrjNAvyv)
![persona mayor mirando al mar](/sites/default/files/styles/imagen_4_3/public/2020-05/Mayores.jpg?h=beb867e6&itok=VnMnou_m)
L’Ayuda a Domiciliu ye una prestación básica del Sistema Públicu de Servicios Sociales que proporciona una serie d’atenciones o cuidaos de calter personal, domésticu, psicosocial, educativu y téunicu, que s’empresten nel domiciliu a families y persones con dificultaes pa procurar el so bienestar físicu, social y psicolóxicu, proporcionando-yos la posibilidá de siguir nel so mediu habitual de vida.
La Teleasistencia tien como finalidá meyorar la calidá de vida de les ciudadanes y ciudadanos, permitiendo la permanencia na so vivienda a persones vulnerables (yá seya por enfermedá, discapacidá, edá avanzada, soledá o inseguridá), que nun precisen de cuidaos permanentes, garantizando un enllaz de comunicación continuu col domiciliu de les persones, pa l’atención inmediata en casu d’emerxencia.
Centru Municipal d'Apoyu a la Integración
El Centru Municipal d’Apoyu a la Integración ta integráu na rede autonómica de recursos especializaos d’atención específica a persones adultes con diversidá funcional intelectual y dependencia, col envís principal de favorecer la integración social, el fomentu de l’autonomía, la independencia personal y l’incrementu de la calidá de vida y bienestar de les persones usuaries.
Puntu de playa afayadizu pa persones con discapacidá y movilidá reducida na Playa de Poniente. Dotáu de toles ayudes téuniques necesaries pa que puean emplegalu les persones con discapacidá y movilidá reducida tanto nel esfrute de los servicios del propiu equipamientu, como les ayudes téuniques necesaries pa realizar los baños na mar. L’edificiu afayadizu, tien vestuarios y aseos adaptaos.