Dende la Fundación Municipal de Servicios Sociales (FMSS) impulsáronse a lo llargo de los años midíes encaminaes a garantizar esta atención, amás d’a facilitar la coordinación interna y esterna con otros servicios y instituciones.
Ellaboración y puesta en marcha del Procedimientu d'Atención a les muyeres víctimes de violencia de xéneru, nel que s'establecen les pautes d'actuación y derivación a siguir nesti ámbitu dende les Unidaes de Trabayu Social (UTS), de cara a meyorar l'atención ofrecida dende los Servicios Sociales Básicos
Ellaboración y puesta en marcha de procedimientos ente la FMSS y otros servicios municipales como la Oficina de Polítiques d'Igualdá-Centru Asesor de la Muyer (OPI-CAM), la Empresa Municipal de la Vivienda (EMVISA) y la Oficina Municipal d'Información a Inmigrantes (OMII); amás de con otros organismos esternos, como la Rede de Cases d'Acoyida pa muyeres víctimes de violencia de xéneru nel Principáu d'Asturies, el Serviciu d'Atención Psicosocial a la muyer del SESPA y la Fundación de Solidaridá Amaranta.
Adhesión a convenios con otros organismos y entidaes:
- Cola Federación Española de Municipios y Provincies (FEMP) , pa la ufierta del Serviciu Telefónicu d'Atención y Proteición pa víctimes de violencia de xéneru (ATENPPRO).
- Cola Rede de Cases d'Acoyida pa muyeres víctimes de violencia de xéneru nel Principáu d'Asturies.
- Cola Fundación de Solidaridad Amaranta y el dispositivu d'atención y agospiu dirixíu a muyeres en contestos de prostitución y/o trata de persones.
Participación de la FMSS na Comisión Téunica Municipal pa la Coordinación d'Actuaciones y Siguimientu de violencia de xéneru, na Comisión de Siguimientu de la Rede de Cases d'Acoyida del Principáu d'Asturies y na Comisión de Siguimientu de Viviendes Tutelaes del Centru d'Atención Integral a Muyeres víctimes de violencia de xéneru (CAIM)
Dende la Direición Xeneral d'Igualdá de muyeres y homes del Ayuntamientu de Gijón/Xixón creóse en payares de 2019 la mesa de trabayu pa la coordinación de recursos na llucha contra la violencia de xéneru col oxetivu de meyorar la rempuesta institucional ofrecida a les víctimes de violencia de xéneru al traviés de la coordinación y el trabayu conxuntu de los diferentes servicios y recursos esistentes en Gijón/Xixón pa l'atención de les situaciones de violencia de xéneru. La FMSS forma parte de la mesa de trabayu.