El Muséu del Pueblu d’Asturies foi en febreru de 2023 l’escenariu d’un gran misteriu nel que l’alumnáu de bachilleratu se convirtió nun equipu d’ayalgueres y ayalgueros pa dar con un tesoru de munchu valir.

Coles actividaes del proyeutu “Saca la llingua” que se celebra dende va yá más de venti años y ta basáu na participación del alumnáu y na tresversalidá de conteníos, preténdese que los mozos y moces participantes –matriculaos en llingua asturiana nos sos Centros– s’averen al asturianu dende un puntu de vista que nun seya’l puramente académicu, y qu’empecipien a entendelu como una ferramienta normal de comunicación, al empar qu’esfruten de delles propuestes culturales venceyaes a él: música, lliter

Trátase d'una actividá empobinada al alumnáu de Secundaria para conocer química y la tabla periódica.

Va más de 150 años, en 1869, el químicu rusu Dimitri Mendeléiev presentara’l so sistema d’ordenación de los elementos. Ye’l momentu de xugar colos elementos y descubrir les curiosidaes qu’escuende la tabla periódica (que son munches y bien prestoses).

Una parte básica del trabayu pola dignificación social del asturianu pasa por averalu a les distintes estayes de la sociedá, por usalu con normalidá en tolos ámbitos: anguaño vivimos arrodiaes y arrodiaos de pantalles; la pandemia obligónos a decatanos de que podemos facer una montonera de coses con un ordenador, una tableta o un teléfonu móvil (mercar, teletrabayar, consumir productos culturales, facer trámites coles alministraciones, tar al día de lo qu’asocede nel mundu o tener más cerca a les persones que queremos, por poner dalgunos exemplos).

Ye una actividá dirixida al alumnáu del primer ciclu d'Educación Secundaria, pa que la conozan la Oficina de Normalización Llingüística. 

Visita guiada a les instalaciones nueves de la Oficina de Normalización Llingüística: nella vamos esplicavos, in situ, qué ye esti serviciu, les posibilidaes qu’ufierta, pa que sirve y cómo se trabaya nél. Vais poder averavos tamién a la nuestra biblioteca, especializada n’obres sobre llingua asturiana y normalización llingüística.

Una actividá pa que los escolinos y escolines conozan, al traviés d’un xuegu,

Esta actividá consiste nuna salida pedagóxica que fai un percorríu per La Rula, el Muelle, Cimavilla, el Campu Valdés y el Muro de San Llorienzo que, mecíu con pruebes y xuegos a mou de yinkana, va averar a les escolines y escolinos a puntos fundamentales de la historia de Xixón y a la so rellación cola mar.

L’actividá inclúi una visita al Muséu Casa Natal de Jovellanos pa conocer y trabayar con El Retablo del mar de Sebastián Miranda.

Taller p'averar al alumnáu a los pallabreros del deporte que la Oficina de Normalización edita dende va más d'una década: fútbol, natación, ciclismu, baloncestu, bolos, atletismu, escalada, balonmano, hípica, surf, ḥoquei, voleibol, skate, axedrez, rugbi...

Van familiarizase cola terminoloxía d'estes disciplines, cola tradición de toes elles en Xixón y coles y colos deportistes famosos asturianos pente medies de xuegos como un quizz, un Pictionary, un tabú o un roscu.

Trátase d'un programa que cumple 11 años en 2024, pensáu pa favorecer la creación de coros nes escueles de Xixón, y pa que l'alumnáu del Conceyu s'avere a la música coral y tradicional.

Taller pa lo más piquiñino, onde se trabaya vocabulariu n’asturianu y castellanu (billingüe) de delles estayes: los animales, la cocina y los preseos de la mesa, el parque, los xuegos y los xuguetes, el tiempu atmosféricu, la ropa y el cuerpu humanu.