Actividá destinada a centros educativos (de mou prioritariu): alumnáu d’ESO / Bachilleratu / Formación profesional / E2O.

Control de residuos, enerxíes renovables, aforru d’agua, certificación enerxética, auditor/a ambiental… Estes son namás dalgunes d’ente la bayura d’actividaes pa les que se piden profesionales especializaos/es en mediu ambiente. El campu d’actuación de los “trabayos verdes” enánchase cada vez más.

Con ‘Los Oficios del Deporte y el Tiempu Llibre’ vamos tratar d’averar a les y los estudiantes  a les distintes posibilidaes que nos ofrecen les enseñances deportives n’Asturies y n’España.

Los Oficios del cine faense tolos años cola collaboración del Festival Internacional de Cine de Gijón/Xixón.

Medicina, química, bioloxía, música, psicoloxía, robótica, economía, videoxuegos, medicina, inxeniería, informática, astroloxía…. “Nin tán toles que son, nin son toles que van tar…”

Les matemátiques son la ciencia más astrauta y la que más veces tuvo qu’aguantar la pregunta: ¿Pa qué sirven? Les ciencies matemátiques son, bien de veces, les grandes incomprendíes porque, a priori, nun ye tan evidente la so utilidá na vida diaria. Pero, a la contra de lo que podíemos pensar, les matemátiques tán en tolos sitios.

Nesta actividá Caillou, el conocíu personaxe infantil, enseña a les y los escolares les normes de la biblioteca y lo qu’hai que facer pa garrar llibros y otros documentos n’empréstamu. Fála-yos de la importancia de cuidar estos materiales y d’evitar accidentes como’l que-y pasó a él mesmu cuando ensin querer pintó ún de los llibros que llevara de la biblioteca.

Actividaes infantiles d’animación a la llectura que trabayen distintes árees de conocimientu como la ciencia o  la filosofía.

Na biblioteca tán teniendo llugar socesos inesplicables que namás pueden debese a una maldición. Sospechamos que too ello ye consecuencia de lo qu’asocedió va munchu tiempu cuando l’Archiduque del Manduque, aristócrata soberbiu y estiráu, poseedor d’una gran biblioteca privada, descubrió cuando taba a piques de morrer la intención que teníen los sobrinos de donar la coleición magnífica a la biblioteca pública.

Al traviés del audiovisual d’Elmo, del xuegu de los semáforos, y de la interacción con dellos personaxes infantiles de cuentu, les persones participantes na actividá descubren munches coses interesantes sobre la biblioteca.

L’actividá entama con un viaxe hacia atrás nel tiempu y l’espaciu: treslladámonos al sieglu VII d.C. a l’antigua ciudá d’Alexandría, n’Exiptu. L’alumnáu participante son agora sabies y sabios que viven y trabayen na magnífica biblioteca d’esa ciudá rescatando del escaezu acontecimientos y datos fundamentales de la historia pa tresmitilos a les xeneraciones futures.