Actividaes formatives, en coordinación coles persones o grupos interesaos, que tienen como destinatarios a la comunidá educativa, families, profesionales y alumnáu, movimientu asociativu, y cualesquier entidá interesada. Les exes fundamentales d’actuación son:
La Fundación Municipal de Servicios Sociales desarrolla, dende va dellos años, actuaciones que favorecen la promoción de la vieyera activa, col programa “Aules pa Mayores” de Gijón/Xixón, col envís de fomentar la participación social y la formación permanente de les persones mayores, al traviés de la realización de talleres, entendiendo qu’esta participación ye una de les claves esenciales pa tener una vieyera activa y saludable y que l’aprendizax a lo llargo de tola vida ameyora la calidá de la mesma, aumentando l’autonomía y l’autoestima de cada persona.
Enmarcáu nel programa de Más que Cine, Corto y Más pretende la promoción de valores y actitúes saludables ente la población mozo cola realización d’un concursu en delles categoríes, de curtios sobre temes como igualdá, rellaciones personales y virtuales, consumu responsable, solaridá, respetu y non discriminación.
Más que cine ye un programa qu’emplega’l cine p’apoyar la educación en valores en 4º de ESO, Bachilleratu y Formación Profesional. Ye un poderosu instrumentu que motiva a la reflexón y l’alderique, facilitando’l desarrollu del xuiciu críticu. Como recursu didáuticu necesita de l’aición del profesoráu que guíe l’alderique y la reflexón, propiciando l’análisis de los temes plantegaos y la toma de decisiones.
La promoción de la salú diríxese a la población nel so conxuntu pa capacitar a les persones y pa dotales de mayor control sobre la so salú y meyorala. La promoción de la salú ye un procesu que busca cambios individuales, grupales y tamién comunicatorios. Nesti sentíu, l’ámbitu municipal ye un espaciu idóneu pal desarrollu d’actuaciones, de proyeutos de trabayu nos que la participación de los distintos axentes sociales seya un elementu clave.
Los Servicios Sociales del Ayuntamientu de Gijón/Xixón actúen nel ámbitu de la infancia y la familia cola finalidá de facilitar el bienestar y proteición de los y les menores del conceyu, amás de proporcionar apoyu a les families.
El programa tien l’envís de garantizar mínimos de calidá de vida elevaos a les persones mayores y a les persones dependientes del conceyu de Gijón/Xixón, promoviendo ente elles la igualdá nel accesu a los recursos y midíes de política social y atendiendo y previniendo les sos necesidaes y problemes sociales.
La situación socioeconómica actual ta favoreciendo determinaos cambios que suponen l’apaición de desequilibrios sociales nuevos. Más persones y con perfiles distintos a los habituales hasta agora tán llegando a situaciones de vulnerabilidá y esclusión.
El programa d’Artes escéniques, Música y Audiovisual desarrolla la so actividá alredor d’eses árees de la creación artística al traviés de dellos programes con unos oxetivos xenerales venceyaos col fomentu de la creación y l’accesu a la cultura y que se vertebren nes llinies que siguen: apoyu a les y los creadores y organización d’eventos y actividaes pa la difusión, conocimientu y práutica de los llinguaxes artísticos, atendiendo siempre a criterios de calidá, diversidá y contemporaneidá.
La Ciudá de Xixón ye la única n’España que tien dos campos municipales de golf. El C.M.G La Llorea y el C.M.G El Tragamón, dambos constituyen el Golf Municipal de Xixón que xestiona’l Conceyu al traviés del Patronatu Deportivu Municipal.