El Departamentu d’Orientación Llaboral desarrolla tutoríes individualizaes al traviés de la orientación profesional, alcordando coles y colos participantes l’itinerariu d’inserción llaboral a siguir. Tamién organiza aiciones grupales, onde s’entrenen les habilidaes necesaries pa la superación de los procesos de seleición y s’optimicen les estratexes y ferramientes pa la búsqueda d’empléu.
Les Escueles Taller y los Talleres d’empléu son programes mixtos d’empléu y formación de calter temporal que tienen como oxetivu ameyorar la emplegabilidá de les persones ensin trabayu al traviés de la cualificación en certificaos de profesionalidá y la execución d’obres o servicios d’utilidá pública, que sirvan d’esperiencia práutica nel ámbitu de la formación profesional recibida. La finalidá última ye facilitar la inserción llaboral de les persones participantes.
Destinada a menores de 30 años con empadronamientu en Xixón, que nun tean trabayando nin formándose, y que garren el compromisu de participar nun itinerariu integral de meyora de la emplegabilidá.
Amás, facilita a les empreses el conocimientu d’estos perfiles profesionales al traviés de práutiques non llaborales
Ofrez tamién orientación sobre’l mercáu de trabayu actual al alumnáu de los Institutos d’Enseñanza Secundaria.
El programa tien como finalidá’l diseñu y desarrollu d’una política municipal dirixida a la integración de les persones inmigrantes na vida política, económica, cultural y social del conceyu de Xixón.
Dende la Fundación Municipal de Servicios Sociales (FMSS) impulsáronse a lo llargo de los años midíes encaminaes a garantizar esta atención, amás d’a facilitar la coordinación interna y esterna con otros servicios y instituciones.
L’Ayuda a Domiciliu ye una prestación básica del Sistema Públicu de Servicios Sociales que proporciona una serie d’atenciones o cuidaos de calter personal, domésticu, psicosocial, educativu y téunicu, que s’empresten nel domiciliu a families y persones con dificultaes pa procurar el so bienestar físicu, social y psicolóxicu, proporcionando-yos la posibilidá de siguir nel so mediu habitual de vida. El serviciu tien
Equitación, escalada, piragüismu, surf, skate, vela… Conoz les nuestres instalaciones, salvamentu y socorrismu, natación sincronizada y taller de RCP. Amás, tamién s’ufierten planes escolares de natación y de golf que s’imparten nes instalaciones deportives municipales.
Consulta la llista d’actividaes y la so configuración habitual, ten en cuenta que la ufierta y les ediciones de cada añu pueden tener horarios, llugares y requisitos distintos.
Consiste n’aprender un mou de marcha qu'inclúi de manera activa’l tren superior (usu de bastones), onde se moviliza más del 90% de la musculatura del cuerpu y que pue consumir un 40% más d’enerxía qu’una caminata convencional. Indicáu pa cualesquier persona que quiera ameyorar la forma física y la salú, siempre que nun tenga dificultaes pa caminar con normalidá y pa coyer los bastones. L’actividá va facese nel Parque Fluvial, y na zona del Acuariu.
Actividá empobinada a persones mayores de 14 años y menores de 65 que busca la meyorade la condición física en base a un trabayu físicu con acompañamientu musical y incidiendo nel trabayu de tonificación muscular de la zona de glúteos, abdominal y piernes, siguiendo esti orde o alternando diferentes exercicios de cada zona pa permitir la recuperación de los diferentes grupos musculares. Sesiones de 60 minutos.
Actividá novedosa empobinada a persones mayores de 14 años. Ye un sistema d’entrenamientu físicu y mental que combina exercicios propios del pilates y del yoga. Sesiones de 45 minutos.