Pádel
Actividá d’iniciación y perfeicionamientu del pádel empobinada a persones adultes y xóvenes, ente 14 años y 65 años. Los cursos tienen una duración trimestral, d’ochobre a avientu. Cada alumnu/a tien que llevar la so pala propia.
Bádminton
Cursos trimestrales empobinaos a persones adultes y neños/es a partir de los 8 años. A lo llargo del cursu, d’ochobre a xunu, l’alumnáu va poder renovar la matrícula trimestralmente si quieren. El Patronatu Deportivu pon la raqueta y los volantes, pero si se tien raqueta propia pue llevase.
Cursos d'iniciación deportiva
Conxuntu d’actividaes empobinaes a la iniciación nuna modalidá deportiva que tien l’oxetivu d’algamar un nivel básicu de les téuniques propies de cada deporte. Los cursos deportivos que s’ufierten son los siguientes: bádminton, escalada, esgrima, natación, pádel, patinaxe, squash y tenis.
Lliga de debate
La Lliga de Debate quier fomentar nel alumnáu el deprendizaxe significativu y el desarrollu d’aptitúes como: búsqueda activa d’información y investigación, contraste d’información y opiniones, oratoria, llinguaxe non verbal, capacidá de síntesis, trabayu n’equipu…
Itinerariu combináu Botánicu-Laboral Ciudá de la Cultura-Acuariu
Viaxa al mundu l'arte, la naturaleza y la diversión ensin salir de Xixón. Trés de los equipamientos más emblemáticos de Xixón, l'Acuariu, Laboral Ciudá de la Cultura y el Xardín Botánicu Atlánticu, quieren averar lo meyor d'esta ciudad a tol coleutivu d'AMPAs y asociaciones, locales o visitantes de la ciudá.
Los oficios de...
“Los oficios de…” ye un programa d’orientación vocacional del Departamentu de la Mocedá del conceyu de Gijón/Xixón, que busca da-y al alumnáu de 4º de la ESO y de 1u y 2u de Bachilleratu información sobre delles profesiones y oficios, n’especial sobre los qu’hai posibilidá de formase en Gijón/Xixón o n’Asturies.
Aprender a Aprender
Gijón/Xixón dedica munchos recursos a la formación, y una de les llinies de trabayu más recientes, venceyada a la Sala d’Estudiu de la Escuela de Comerciu, ye la formación n’habilidaes d’estudiu al traviés del programa “Aprender a aprender”.
Talleres mui práuticos, d’una hora de duración, que tán adautaos a dellos niveles: estudiantes de Secundaria (primer y segundu ciclu) y estudiantes d’Universidá y/o que preparen oposiciones.
¡Lo que me faltaba!
Dedicamos munchos recursos a la formación, mesmo pa xóvenes que pa profesionales. Al traviés de dellos programes ofrécense recursos de tou tipu a estudiantes de dellos niveles, xóvenes, asociaciones xuveniles, madres y padres y profesionales de la educación, el tiempu llibre, l’animación sociocultural, etc. Dende 2017 vien desarrollándose’l programa añal de formación “¡Lo que me faltaba!”. Recursos y ferramientes pal trabayu con adolescentes y xóvenes, enmarcáu nesa estratexa de formación continua.
SOISEX
SOISEX ye un programa d’asesoramientu personalizáu y gratuitu onde vamos poder ayudate con cualesquier xestión relacionada cola to afeutividá y sexualidá: anticonceición y salú sexual, relaciones de pareya, identidá y orientación, xestión de conflictos, comunicación afeutiva al traviés de redes sociales, etc.
Amás d’ofrecer asesoramientu, dende SOISEX fáense munches actividaes de formación p’alumnáu d’ESO y Bachilleratu, asociaciones xuveniles y madres, padres y educadores, y edítense delles publicaciones sobre sexualidá.
Asesoría d'Emplegu y Garantía Xuvenil
Garantía Xuvenil ye una iniciativa de la Unión Europea pa combatir los índices altos de desemplegu xuvenil. Al traviés de Garantía Xuvenil preténdese que los y les xóvenes d’Europa menores de 30 años qu’acaben la so educación formal o queden nel paro, nun pasen más de cuatro meses ensin recibir una ufierta bona d’emplegu, educación continua, formación d’aprendiz o periodu de práutiques.