El Xuegu de la Biblio ye una adaptación llibre del perconocíu Xuegu de la Oca. Un tableru grandón alredor del que se coloquen cuatro equipos dispuestos a echar una partida mui bibliotecaria.

Tol mundu conoz a Tolola y al so hermanu Juan. De la mano d’estos personaxes les y los escolares van vivir una montonera de situaciones nueves na biblioteca. Ellos van enseña-yos la importancia d’escuchar, de compartir, y lo perprestoso que ye lleer. Amás, na visita va acompañanos una de les nuestres “comellibros” favorites, cola qu’hai que tener cuidáu porque-y gusten tanto los llibros que... ¡dacuando cómelos! Y depués de la fartura, duel-y tanto’l banduyu y alcuéntranse tan mal que nos pide ayuda pa que-y los saquemos y los devolvamos a les baldes.

Les moces y los mozos tán avezaos a usar con muncha frecuencia les redes sociales y cuasi nun echen tiempu en contrastar la información que reciben.

Nesta actividá trátense aspeutos venceyaos cola desinformación que se puede producir al traviés de les redes sociales y los medios de comunicación. L’oxetivu ye facer pensar y analizar la información que-yos puede llegar en formatu imaxe garrando destreces que-yos permitan conocer información veraz y evitar que contribuyan a aumentar la propagación de bulos y noticies falses.

Actividá destinada a centros educativos: alumnáu de 3er ciclu de Primaria, ESO, Ciclos Formativos, FP, Bachilleratu y E2O.

Percorríos guiaos andando o en bicicleta orientaos al conocimientu del mediu urbanu. Vamos falar de xeografía y historia; de territoriu, de cambiu, d’industria, de vivienda, de barreres, de puntos d’atracción y espacios pa convivir, de persones.

Esta actividá pertenez al programa Lliga de Debate Escolar Municipal y va tener llugar cada cursu escolar, ente los meses de xineru a mayu. Oxetivos:

• Desarrollar habilidaes de comunicación y debate
• Crear llazos ente institutos, docentes y alumnáu al traviés de la participación nun proyeutu común
• Fomentar el respetu, la tolerancia y el civismu

Has venir a descubrir les histories fantástiques que guarden los nuestros llibros. Has abrir bien los güeyos y les oreyes pa disfrutar de les aventures que se cuenten nellos.

Los Cuentacuentos son una de las actividaes más importantes d’animación a la llectura infantil nes biblioteques municipales de Gijón/Xixón. El so oxetivu ye averar el llibru a les y los más peques pente medies de la narración oral, convirtiendo l’actu de leer en dalgo prestoso y atrayente.
 

Si yes padre o madre (o tutor/a llegal) d'un fíu/fía de 0 a 5 años, pues participar nesti taller grupal de baldre sobre lo que los neños y les neñes necesiten pa desarrollase y crecer con bienestar, nos primeros años de vida. 

El vínculu qu'establecemos colos nuestros fíos y fíes nestos años ye mui importante pa que se sientan seguros/es y pa que confíen en nosotros/es como persones que-yos van sirvir de guía y referencia a lo llargo de tola infancia y tola adolescencia.