Los Campus Multideportivos qu’entama’l Patronatu Deportivu Municipal de Gijón/Xixón tienen como finalidá fundamental l’enseñu de formes nueves d’actividá física y d’ocupación nel tiempu llibre. Amás, persiguen tamién el desarrollu d’actitúes de responsabilidá individual y coleutiva, fomentu del trabayu n’equipu, deprendizaxe d’hábitos hixénicos y d’actividá física saludable; mesmo que contribuye a la conciliación de la vida familiar y llaboral de les families.
Los Campus Multidisciplinar qu’entama’l Patronatu Deportivu Municipal de Gijón/Xixón cola collaboración de Participación Ciudadana tienen como finalidá fundamental l’enseñu de formes nueves d’actividá física y d’ocupación nel tiempu llibre. Amás, persiguen tamién el desarrollu d’actitúes de responsabilidá individual y coleutiva, fomentu del trabayu n’equipu, deprendizaxe d’hábitos hixénicos y d’actividá física saludable; mesmo que contribuye a la conciliación de la vida familiar y llaboral de les families.
Na Piscina de Moreda–Natahoyo y na Piscina d’El Coto n’horarios determinaos, los usuarios y usuaries de les piscines van poder usar les bicis d’hidrospinning. Pa ello va habilitase una cai, el carril bici, na que se van poder usar les bicis d’hidrospinning.
L’oxetivu principal d’esta actividá ye que l’alumnáu conoza de primer mano esti deporte, iniciándolos nesta esperiencia con material soft adautáu a los centros escolares y que depués lo puean prauticar nun campu de golf, nunes instalaciones curioses, cola familia y les amistaes, nun entornu natural incomparable.
Programa d’enseñu de la natación que se fai na piscina del C.D Moreda-Natahoyo, empobináu a les persones con discapacidá física. Preténdese que l’alumnáu algame’l dominiu del mediu acuáticu dientro de les sos posiblidaes. L’enseñu va adautase de manera individual a cada alumnu/a, buscando la so integración nos cursos habituales, siempre que la so discapacidá lo permita.
Los cursos son mensuales con sesiones de 30 minutos, dos díes a la selmana y tienen una duración dende ochobre hasta xunetu.
Actividá empobinada a persones d’ente 15 y 64 años que consiste na realización d’un entrenamientu aeróbicu con un soporte musical sobre una bicicleta estática dientro l’agua. Emplega los principios del ciclu indoor variándolos pol efeutu de tar dientro l’agua. Los cursos son mensuales con sesiones de 45 minutos, uno o dos díes a la selmana. La duración ye dende ochobre hasta xunu. Imprescindible saber nadar.
Actividá empobinada a neños y neñes de 2u de Primaria hasta 2u de Secundaria. Los cursos son mensuales con sesiones de 45 minutos ún o dos díes a la selmana, con una duración d’ochobre hasta xunu. La enseñanza estructúrase en niveles, adautaos a la edá de les y los participantes y conocimientos.
Conxuntu d’actividaes y cursos desarrollaos nes Piscines Municipales ofertaos mesmo a la población infantil qu’a les persones adultes, empobinaes a la enseñanza de la natación y al mantenimientu físicu (actividaes de fitness acuáticu). Son cursos mensuales que s’estienden d’ochobre a xunu.
Actividá empobinada a persones mayores de 65 años, consistente n’exercicios de ximnasia y xuegos nel agua, amás d’adaptaciones beneficioses de los estilos de nadu a estes edaes. Los cursos son mensuales con trimestrales en sesiones de 45 minutos, dos o tres díes a la selmana. La duración ye dende ochobre hasta xunu.
Actividá empobinada a persones d’ente 15 y 65 años. Los cursos son mensuales con sesiones de 45 minutos unu, dos o tres díes selmanales. Duren dende ochobre hasta xunu. La enseñanza ta estructurada por niveles.