La Oficina de Normalización Llingüística de Xixón, dientro del so llabor de dinamización llingüística, entama campañes de sensibilización que favorezan la participación consciente de la ciudadanía de Xixón nel procesu de normalización llingüística, y asina promocionar l'emplegu de la llingua asturiana y garantizar los nuestros derechos llingüísticos. 

Con esta actividá preténdese que l’alumnáu s’anicie nel conocimientu y práutica de los bailles y dances tradicionales n’Asturies, conociendo los pasos más básicos y les estructures más simples, trabayando sobre too los bailles-xuegu y distintes manifestaciones coleutives, como les dances.

Esti ye un concursu pa conocer meyor la historia, los secretos y los personaxes de Xixón. Nél, puede participar tol alumnáu de 6^u de Primaria matriculáu en Llingua Asturiana de cualesquier colexu de Xixón. El concursu suel entamar n'ochobre y rematar en mayu y desarróllase asina: nos meses d’ochobre, xineru y abril, propónse a les escueles participantes una entruga sobre dellos temes, que van precisar un pequeñu procesu d’investigación per parte del alumnáu.

El campus de golf desarróllase nel Campu Municipal de Golf La Llorea. El golf ye l’actividá protagonista d’un campus empobináu a neños/es de 8 a 14 años, onde s’esplica d’una forma lúdica y divertida. Nun ye necesario tener esperiences previes nesta modalidá deportiva, van establecese grupos por nivel y edá.

El campus celébrase habitualmente nel mes de xunetu, con una duración de 5 díes (de llunes a vienres) y n’horariu de 9:00 a 18:00.

Los Campus Multideportivos qu’entama’l Patronatu Deportivu Municipal de Gijón/Xixón tienen como finalidá fundamental l’enseñu de formes nueves d’actividá física y d’ocupación nel tiempu llibre. Amás, persiguen tamién el desarrollu d’actitúes de responsabilidá individual y coleutiva, fomentu del trabayu n’equipu, deprendizaxe d’hábitos hixénicos y d’actividá física saludable; mesmo que contribuye a la conciliación de la vida familiar y llaboral de les families.