El Patronatu Deportivu Municipal llanza pal periodu de branu los programes de “Vacaciones Deportives” y “Préstanos Facer Deporte”, que tán formaes sobre manera por actividaes físiques que se faen albentestate, y que s’incluyen dientro de la oferta de Gijón/Xixón.
La nuestra oferta ta empobinada y pensada pa tolos públicos, mesmo pa les y los xixoneses que quieren prauticar deporte nel so tiempu llibre como pa les y los turistes que vienen a la nuestra ciudá de vacaciones.
Los fines de selmana d’ochobre a xunu, les piscines d’El Llano, El Coto, Pumarín, La Calzada y La Camocha disponen d’un espaciu abiertu dedicáu al xuegu col material adecuáu pa toles persones qu’accedan a les piscines. La xente que saben nadar va poder pasalo bien nel vasu fondu y la que que tovía nun tea mui segura va poder facelo nel vasu non fondu.
Actividá empobinada a persones de 15 a 20 años que tengan un nivel de natación altu dominando los tres estilos de natación: crol, braza y espalda. Ye una actividá multidisciplinar na que non sólo vamos trabayar la téunica de los estilos sinón tamién les téuniques específiques d’otres disciplines (salvamentu, waterpolo, fitness, nadu con aletes), empobinaos a mozos y moces qu’en pasando’l nivel 3 de nadu quieran siguir prauticando la natación d’una forma prestosa. Ye necesario que l’alumnu/a lleve les sos aletes propies, mesmo que gafes y tubu de bucéu.
Cursos d’iniciación y adautación al mediu acuáticu empobinaos a neños y neñes de 2u d’Infantil hasta 1u de Primaria. Los cursos son mensuales con sesiones de 30 minutos una o dos veces a la selmana. La duración ye d’ochobre hasta xunu.
Les clases impártense inicialmente nos vasos poco fondos de les piscines pasando a la piscina fonda cuando l’alumnáu tea capacitáu pa ello.
Con esta actividá preténdese consiguir que los neños y neñes puean disfrutar nel agua al empar que desarrollen les sos cualidaes motrices
Actividá empobinada a neños y neñes de 2 y 3 años acompañaos d’una persona adulta que va permanecer dientro l’agua con ellos/es. Los cursos son mensuales con sesiones de 30 minutos, ún o dos díes a la selmana y duren dende ochobre a xunu.
Con esta actividá preténdese consiguir que los neños y neñes puean disfrutar nel agua a la vez que desarrollen les sos cualidaes motrices básiques. Dapoco y dependiendo de la edá y el desarrollu psicomotriz, van dir consiguiendo l’autonomía nel vasu poco fondu.
Actividá empobinada a les families con neños y neñes de 12 a 24 meses. L’oxetivu ye llograr la familiarización de los neños/es col mediu acuáticu, siendo los padres y madres l’elementu facilitador. Nes clases va esplicáse-yos a los padres y madres la forma más adecuada d’ayudar al neñu/a nel agua, xunto colos aspeutos psicolóxicos y motrices qu’hai que tener en cuenta pa trabayar nestes edaes. Los bebés van acudir a la piscina acompañaos como mínimu por una persona adulta. Van almitise dos persones adultes per neñu/a.
Actividá empobinada a persones d’ente 15 y 64 años. Los cursos tienen un duración mensual, d’ochobre a xunu y consten de sesiones de 45 minutos, dos díes a la selmana en díes alternos. Imprescindible saber nadar. Ye una actividá que tien por oxetivu la meyora de la condición física al traviés del trabayu combináu d’hidrospinning y aquarunning.
Actividá empobinada a persones d’ente 15 y 64 años. Los cursos tienen una duración mensual, d’ochobre a xunu y consten de sesiones de 45 minutos, dos díes a la selmana en díes alternos. Imprescindible saber nadar. Esta actividá consiste na execución d’una variedá de movimientos de danza y ximnásticos dientro l’agua con un soporte musical. Pa facilitar l’exerciciu, un cinturón flotante va tener poles persones participantes nel vasu fondu y van tar de pie nel vasu non fondu.
El programa Espalda sana ofrez la posibilidá d’utilizar l’actividá acuática p’amenorgar o apocar les dolencies d’espalda. El programa acueye a persones d’ente 15 y 64 años cola fin de que seyan autónomes nel mediu acuáticu. Los cursos son mensuales con dos clases selmanales de 30 minutos y faense dende ochobre hasta xunu.
Ye imprescindible informe médicu sobre la dolencia. Les inscripciones formalícense de forma presencial nel Centru de Medicina Deportiva.
Actividá física con acompañamientu musical. Una forma anovadora de mantenese en forma combinando salsa, merengue y otros ritmos con exercicios de fitness. Empobinada a persones mayores de 14 años y menores de 65. Les sesiones tienen una duración de 50 minutos.