Equitación, escalada, piragüismu, surf, skate, vela… Conoz les nuestres instalaciones, salvamentu y socorrismu, natación sincronizada y taller de RCP. Amás, tamién s’ufierten planes escolares de natación y de golf que s’imparten nes instalaciones deportives municipales.

Consulta la llista d’actividaes y la so configuración habitual, ten en cuenta que la ufierta y les ediciones de cada añu pueden tener horarios, llugares y requisitos distintos.

Consiste n’aprender un mou de marcha qu'inclúi de manera activa’l tren superior (usu de bastones), onde se moviliza más del 90% de la musculatura del cuerpu y que pue consumir un 40% más d’enerxía qu’una caminata convencional. Indicáu pa cualesquier persona que quiera ameyorar la forma física y la salú, siempre que nun tenga dificultaes pa caminar con normalidá y pa coyer los bastones. L’actividá va facese nel Parque Fluvial, y na zona del Acuariu.

Actividá empobinada a persones mayores de 14 años y menores de 65 que busca la meyorade la condición física en base a un trabayu físicu con acompañamientu musical y incidiendo nel trabayu de tonificación muscular de la zona de glúteos, abdominal y piernes, siguiendo esti orde o alternando diferentes exercicios de cada zona pa permitir la recuperación de los diferentes grupos musculares. Sesiones de 60 minutos.

Actividá novedosa empobinada a persones mayores de 14 años. Ye un sistema d’entrenamientu físicu y mental que combina exercicios propios del pilates y del yoga. Sesiones de 45 minutos.

Actividá física empobinada a persones mayores de 14 años que tien por oxetu’l mantenimientu de la condición física. El yoga ye un conxuntu d’exercicios, téuniques posturales, respiratories y de relaxación, destinaes a consiguir el bienestar integral de la persona, facilitando al tiempu la toma de conciencia de la posición del cuerpu y la respiración.

Actividá física empobinada a persones mayores de 14 años que tien por oxetu’l mantenimientu de la condición física.