Conxuntu d’actividaes empobinaes a la iniciación nuna modalidá deportiva que tien l’oxetivu d’algamar un nivel básicu de les téuniques propies de cada deporte. Los cursos deportivos que s’ufierten son los siguientes: bádminton, escalada, esgrima, natación, pádel, patinaxe, squash y tenis.
La Lliga de Debate quier fomentar nel alumnáu el deprendizaxe significativu y el desarrollu d’aptitúes como: búsqueda activa d’información y investigación, contraste d’información y opiniones, oratoria, llinguaxe non verbal, capacidá de síntesis, trabayu n’equipu…
Viaxa al mundu l'arte, la naturaleza y la diversión ensin salir de Xixón. Trés de los equipamientos más emblemáticos de Xixón, l'Acuariu, Laboral Ciudá de la Cultura y el Xardín Botánicu Atlánticu, quieren averar lo meyor d'esta ciudad a tol coleutivu d'AMPAs y asociaciones, locales o visitantes de la ciudá.
“Los oficios de…” ye un programa d’orientación vocacional del Departamentu de la Mocedá del conceyu de Gijón/Xixón, que busca da-y al alumnáu de 4º de la ESO y de 1u y 2u de Bachilleratu información sobre delles profesiones y oficios, n’especial sobre los qu’hai posibilidá de formase en Gijón/Xixón o n’Asturies.
Gijón/Xixón dedica munchos recursos a la formación, y una de les llinies de trabayu más recientes, venceyada a la Sala d’Estudiu de la Escuela de Comerciu, ye la formación n’habilidaes d’estudiu al traviés del programa “Aprender a aprender”.
Talleres mui práuticos, d’una hora de duración, que tán adautaos a dellos niveles: estudiantes de Secundaria (primer y segundu ciclu) y estudiantes d’Universidá y/o que preparen oposiciones.
Dedicamos munchos recursos a la formación, mesmo pa xóvenes que pa profesionales. Al traviés de dellos programes ofrécense recursos de tou tipu a estudiantes de dellos niveles, xóvenes, asociaciones xuveniles, madres y padres y profesionales de la educación, el tiempu llibre, l’animación sociocultural, etc. Dende 2017 vien desarrollándose’l programa añal de formación “¡Lo que me faltaba!”. Recursos y ferramientes pal trabayu con adolescentes y xóvenes, enmarcáu nesa estratexa de formación continua.
SOISEX ye un programa d’asesoramientu personalizáu y gratuitu onde vamos poder ayudate con cualesquier xestión relacionada cola to afeutividá y sexualidá: anticonceición y salú sexual, relaciones de pareya, identidá y orientación, xestión de conflictos, comunicación afeutiva al traviés de redes sociales, etc.
Amás d’ofrecer asesoramientu, dende SOISEX fáense munches actividaes de formación p’alumnáu d’ESO y Bachilleratu, asociaciones xuveniles y madres, padres y educadores, y edítense delles publicaciones sobre sexualidá.
Garantía Xuvenil ye una iniciativa de la Unión Europea pa combatir los índices altos de desemplegu xuvenil. Al traviés de Garantía Xuvenil preténdese que los y les xóvenes d’Europa menores de 30 años qu’acaben la so educación formal o queden nel paro, nun pasen más de cuatro meses ensin recibir una ufierta bona d’emplegu, educación continua, formación d’aprendiz o periodu de práutiques.
Gijón/Xixón siempre s’enfotó na información y l’asesoramientu no tocante a educación y formación. Prueba d’ello ye la publicación añal de la “Guía de educación. La oferta formativa de Gijón” dende va más de 20 años.
Na Oficina de Mocedá queremos, amás de date información básica sobre tolos temes que te puean interesar (actividaes d’ociu y tiempu llibre, beques, ufiertes de trabayu…), facilitate l’accesu a información especializada, contrastada y de calidá sobre temes concretos que munches veces s’escapen de les posibilidaes d’una primer consulta y precisen l’atención de profesionales especializaos.