Joven Ocúpate
El programa ‘Joven Ocúpate’ ye una aición de formación n’alternancia col emplegu empobinada a moces y mozos mayores de 16 años y menores de 30, que tean desemplegu y de mou preferente, ensin graduáu n’ESO.
Espaciu TIC
Espaciu equipáu con ordenadores y asesoramientu personalizáu pa la meyora del perfil profesional, la marca personal o’l posicionamientu en redes sociales. Desarróllense aiciones formatives sobre alfabetización dixital, ferramientes de busca d’emplegu n’Internet, redes sociales profesionales y ofimática.
Axencia de colocación
El Conceyu de Gijón/Xixón ye Axencia de Colocación acreitada pol Serviciu Públicu d’Emplegu dende l’añu 2014, con númberu de rexistru 0300000029.
Empobinada mesmo a les empreses qu’a les persones en busca d’emplegu.
Realiza’l llabor d’intermediación llaboral, captando ofertes d’emplegu y ofreciendo a les empreses interesaes en desarrollar el so procesu selectivu con nós, la derivación de les persones candidates ideales pa la so oferta.
BiciEscuela Municipal
El Conceyu de Gijón/Xixón pon en marcha’l programa Biciescuela col envís de promover l’usu de la bicicleta na ciudá como mediu de tresporte cotidianu y de fomentar aptitúes ciclistes segures y responsables. La Biciescuela desarrolla la so actividá formativa al traviés d’una Biciescuela adulta y una Biciescuela escolar.
Biblioteca del Serviciu d'Archivu
La Biblioteca ta especializada en Gijón/Xixón. Recueye tou tipu de materiales publicaos sobre temática xixonesa y inclúi delles secciones: manuscritos, monografíes y folletos, carteles, dosieres temáticos, publicaciones periódiques, materiales especiales y ephemera.
Teleasistencia domiciliaria
La Teleasistencia ye un serviciu públicu que tien l’envís de meyorar la calidá de vida de les ciudadanes y ciudadanos, permitiendo la permanencia na so vivienda a persones vulnerables (yá seya por enfermedá, discapacidá, edá avanzada, soledá o inseguridá), que nun precisen de cuidaos permanentes, garantizando un enllaz de comunicación continuu col domiciliu de les persones qu’empleguen el serviciu, pa l’atención inmediata en casu d’emerxencia.
Ente Muyeres
Ún de los oxetivos de ‘Ente Muyeres’ ye la puesta en marcha de grupos pa muyeres que tean en tratamientu con psicofármacos, pa favorecer la participación personal y l’autocuidáu, ente otros aspeutos. Nel apartáu de publicaciones amplíase’l conteníu d’esta propuesta de trabayu.
Conductes saludables
Actividaes formatives, en coordinación coles persones o grupos interesaos, que tienen como destinatarios a la comunidá educativa, families, profesionales y alumnáu, movimientu asociativu, y cualesquier entidá interesada. Les exes fundamentales d’actuación son:
Aules pa Mayores
La Fundación Municipal de Servicios Sociales desarrolla, dende va dellos años, actuaciones que favorecen la promoción de la vieyera activa, col programa “Aules pa Mayores” de Gijón/Xixón, col envís de fomentar la participación social y la formación permanente de les persones mayores, al traviés de la realización de talleres, entendiendo qu’esta participación ye una de les claves esenciales pa tener una vieyera activa y saludable y que l’aprendizax a lo llargo de tola vida ameyora la calidá de la mesma, aumentando l’autonomía y l’autoestima de cada persona.
Corto & +
Enmarcáu nel programa de Más que Cine, Corto y Más pretende la promoción de valores y actitúes saludables ente la población mozo cola realización d’un concursu en delles categoríes, de curtios sobre temes como igualdá, rellaciones personales y virtuales, consumu responsable, solaridá, respetu y non discriminación.